Posted by admin
Në kuadër të projektit Active Water II, H2H Foundation në bashkëpunim me Art Kontakt dhe North Green Association, organizoi një aktivitet ndërgjegjësues pranë Liqenit të Belshit, me fokus në mbrojtjen e burimeve ujore dhe ruajtjen e mjedisit natyror.
🤝 Aktiviteti mblodhi së bashku përfaqësues nga SIDA, GreenAl, Bashkia Belsh dhe Prefektura Elbasan, duke vënë në pah rëndësinë e bashkëpunimit ndërinstitucional dhe përkushtimin e përbashkët për një mjedis më të pastër dhe më të sigurt për komunitetin.
🌱 Një rol të veçantë patën edhe nxënësit e gjimnazit “Sami Frashëri” në Belsh, të cilët u përfshinë në aktivitete edukative dhe ndërgjegjësuese, duke treguar se brezat e rinj janë kyç për mbrojtjen e natyrës dhe të ardhmen e qëndrueshme.
🙏 Falënderojmë të gjithë partnerët, institucionet dhe pjesëmarrësit për mbështetjen dhe kontributin e tyre në realizimin e këtij aktiviteti me rëndësi për komunitetin dhe mjedisin.
💧 Së bashku për burime ujore të sigurta dhe një të ardhme më të gjelbër e të qëndrueshme!
Ky aktivitet u realizua në kuadër të projektit #GreenAL “Mbështetja e Organizatave të Shoqërisë Civile 2024 -2027”, financuar nga Agjencia Ndërkombëtare Suedeze për Bashkëpunim dhe Zhvillim (Sida) me fondet e Qeverisë Suedeze dhe zbatohet nga Co-PLAN, Instituti për Zhvillimin e Habitatit në bashkëpunim me VIS Albania dhe COSV – Cooperazione per lo Sviluppo.