Ekipi i H2H Foundation në bashkëpunim me KKDM organizoi konferencën e parë kombëtare në Shqipëri për identifikimin dhe dekomisionimin / braktisjen e digave jo-funksionale. Gjatë këtij eventi u trajtuan tema dhe diskutime për digat si:

• Pikënisja, Sfidat e projektit “Abanian Municipality Dam Removal” dhe Adresimi tek Aktorët Kryesorë
• Angazhimi i Pushtetit Vendor në Dekomisionimin e Digave.
• Gjetjet kryesore të projektit “Abanian Municipality Dam Removal” dhe Sugjerime për Hapa të Mëtejshme për Dekomisionimin e Digave Jo-Funksionale në Shqipëri.
• Siguria e Digave Bujqësore që përdoren për ujitje.
• Kërkesat Ligjore për Dekomisionimin e Digave në Shqiperi dhe Sfidat në të Ardhmen.
• Analiza e Avantazheve Ligjore dhe Ekonomike nga heqja e Digave në Bashkimin Evropian
• Ndërhyrje në morfologjine e lumenjve dhe çështjet e sedimenteve
• Procedurat dhe dokumentat kryesore për aplikim për Leje / Autorizim për rehabilitimin e trupave Ujore.
• Biodiversiteti, Digat dhe Rezervuaret – propozime për  përdorime të digave / rezervuareve pas dekomisionimit / braktisjes së digave.
• Diskutim mbi përfitimet e heqjes së digave dhe menaxhimit të sedimenteve.
• Shembuj dhe studime për monitorimin e sedimenteve të grumbulluar në rezervuare.
• Përdorimi i teknologjisë së dronëve për zbulimin e pengesave të lumenjve dhe monitorimin e gjendjes së digave.

Të pranishëm në këtë event ishin përfaqësues nga MBZHR, KKDM, Ambasada Hollandeze në Shqipëri, Ministria e brendshme, Shërbimi Gjeologjik Shqiptar, përfaqësues nga prefekturat dhe bashkitë në Shqipëri, përfaqësues nga organizatat e shoqerisë civile kombëtare dhe ndërkombëtare, nga Universiteti Politeknik i Tiranës dhe gazetarë të mediave kryesore në Shqipëri.

Falenderojmë të gjithë pjesëmarrësit për diskutimet, komentet dhe sugjerimet e dhëna gjatë eventit.

Ky aktivitet organizohet në kuadër të projektit “Albanian Municipality Dam Removal”, i cili zbatohet nga H2H Foundation dhe mbështetet nga Programi Evropian Open Rivers.