Posted by sadmin
Më 21 korrik 2026, në kuadër të projektit RIVERCLEAN, u organizua një aktivitet pastrimi bregdetar në Plazhin Publik të Lalëzit te Përroi Tarin, me pjesëmarrjen dhe mbështetjen e vullnetarëve nga Rotary Club Tirana International dhe Horizons to Sustainability (H2H Foundation).
Ky aktivitet synoi jo vetëm largimin e mbetjeve të grumbulluara përgjatë vijës bregdetare, por edhe rritjen e ndërgjegjësimit për rëndësinë e mbrojtjes së ekosistemeve detare dhe reduktimit të ndotjes nga mbetjet, veçanërisht ato plastike.
Falë angazhimit të vullnetarëve dhe organizatave partnere, gjatë aktivitetit u grumbulluan gjithsej 58.05 kg mbetje, të ndara si më poshtë:
- 33.96 kg mbetje plastike
- 24.09 kg mbetje të tjera
Aktiviteti kontribuoi në përmirësimin e gjendjes mjedisore të zonës bregdetare dhe promovoi përgjegjësinë qytetare për mbrojtjen e natyrës. Njëkohësisht, ai shërbeu si një shembull pozitiv i fuqisë së veprimit komunitar, duke dëshmuar se iniciativat e përbashkëta mund të sjellin rezultate konkrete për mjedisin dhe shoqërinë.
Ky aktivitet zhvillohet në kuadër të iniciativës RIVERCLEAN, nga ETMI dhe Milieukontakt Albania, me mbështetjen e Bashkimit Europian.